🎵 ورشپ لائبریری
ذوالجلال ، ذوالجلال یسوع اعلیٰ تیری شان
Zul-jalaal Zul-jalaal Yesu a'la teri shaan
ذوالجلال ، ذوالجلال یسوع اعلیٰ تیری شان
تو ہے شافی اور کافی تیری آمد پُر جلال
۱
تُو چھوڑ تخت کو دنیا میں بن انساں آیا ہے
اور سب عالم کو راستہ تُو نے پاک بتایا ہے
یہ خوش ہیں تیری آمد سے سب دنیوی انسان
۲
کُل عرشِ بریں پر مل کے ملائک گیت گاتے ہیں
ستائش اپنے خالق کی اور حمد سناتے ہیں
ہوشعنا، ابنِ اللہ کو ہی جس کی اعلیٰ شان
۳
آج گھر گھر تیری آمد کی لوگ خوشیاں مناتے ہیں
سب عالم کو خوشخبری کا پیغام سناتے ہیں
اب دیکھے گا نظارہ تیرا سارا پاکستان
۴
کیا دھوم مچی اس خالق کی ہے یسوع جس کا نام
اے لوگو آ کر دیکھو اُس کی عظمت کا پیغام
آ جاؤ اس کے قدموں میں اے اقوامِ جہان
۵
مبارک ہو ماں مریم تُو ہے تیری اعلیٰ شان
تولد تیرے شکم سے ہے ہوا شاہ سلطان
وہ مالک ہے کُل چیزوں کا اور خالقِ جہان
۶
ستائش باپ اور بیٹے کی اور روح پاک کی ہو
مبارک تیری آمد ہو سب بنی آدم کو
تو رزاق ہے کُل عالم کا اے شاہوں کےسلطان