🎵 ورشپ لائبریری
ماں مریم دو عالم وچ
Maa Mariam Do Alam Vich
ماں مریم دو عالم وچ
تیری شان نیاری ہے
۱
یسوع دھن دھن تیرا جایا
جہیڑا پسرِ خُدا سدوایا
چوتھے حکم نوں توڑ نبھایا
کر کے تابعداری ہے
۲
جبرائیل سلام بلایا
تیرے کول پیغام لیایا
تیرا رب نے شان ودھایا
مریم پاک کنواری ہے
۳
تینوں جنت وچ رب کھڑیا
سر تے تاج نورانی دھریا
توئیں مدد دا دم بھریا
تیری مدد بھاری ہے
۴
مڈھوں خالق نے فرمایا
پاوے گا ابلیس نہ سایہ
نہ اوہ دشمن غالب آیا
نہ تُوں بازی ہاری ہے
۵
تیرے وچ نئیں پاپ بیماری
نہ موروثی نہ اختیاری
تیرے اُتے مریم کنواری
سچ مچ رحمت بھاری ہے
۶
تیری عظمت شان نرالی
ساڈے دل وچ حرص خوشحالی
ساہنوں لوڑ سفارش والی
خدمت عرض گذاری ہے
۷
اوہناں لوکاں دی مت ماری
مدد تیری تھوں انکاری
تیری اوٹ مدد ہے بھاری
یسوع من دا ساری ہے