وہ دو مسافر
جو راہِ طلبِ وفا میں کھوئے
تو کتنا روئے
۔۔۔
وہ دو مسافر
جو آس کی چند تتلیوں کو پکڑنے نکلے
تو یاس بھنوروں سے بھر کے دامن کو لوٹ آئے
۔۔۔
وہ دو مسافر
جو خواہشِ گل کی چاہ میں نکلے
تو اپنی خوشبو بھی بھول آئے
کہ نہ وہ اپنے تھے نہ پرائے
چلے تھے پلکوں پہ دکھ پروئے
تو کتنا روئے
۔۔۔
وہ دو مسافر
جو راہِ طلبِ وفا میں کھوئے
تو کتنا روئے
۔۔۔
جب گیا جب پلک پلک پہ سر شکِ خوں تو
یہ راز افشا ہوا کہ آخر
وہ راہِ طلبِ وفا کے راہی
فقط خلاؤں میں تھے معلق
کہ نہ زمیں تھی نہ آسماں تھا
ہر اک عکس یقین گماں تھا
کہ عمر بیتی تو ساری ایسے
نہ جاگے جاگے
نہ سوئے سوئے
۔۔۔
وہ دو مسافر
جو راہِ طلبِ وفا میں کھوئے
تو کتنا روئے
