آنکھ میں نمی ہے کیوں - فاختہ

فاختہ بائبل اسٹڈی ٹولز

جلد متوقع مشمولات

آنکھ میں نمی ہے کیوں - فاختہ

آنکھ میں نمی ہے کیوں

وکٹر جان غزلیات مطالعات: 3 پسند: 0

آنکھ میں نمی ہے کیوں

تو بھی اجنبی ہے کیوں

فاصلہ ہے درمیاں

ایسی زندگی ہے کیوں

سورجوں کا دیس ہے

پھر بھی تیرگی ہے کیوں

جو ابھی نہیں کہا

تو وہ سن رہی ہے کیوں

اس کے انتظار میں

نبض یہ تھمی ہے کیوں

لگ رہا ہے خواب ہے

روبرو پری ہے کیوں

طے ہے پھر ملیں گے پر

دید آخری ہے کیوں

گو خزاں کا دور ہے

شاخ اک ہری ہے کیوں

مہ جبیں تو ہے مگر

اتنی نک چڑھی ہے کیوں

بارشوں میں بھیک کے

لگتی پھلجڑی ہے کیوں

مجھ کو تو بتا ذرا

موم کی بنی ہے کیوں

شہر ناسپاس میں

پھر صدا سنی ہے کیوں

اس کے شہر کی ہوا

جان سر پھری ہے کیوں

واپس جائیں

جند اک ونجھلی چشم حیراں

Please mark your visit by following our Facebook Page

اگر آپ بھی اپنی نگارشات فاختہ ڈاٹ آرگ پر شائع کرانا چاہتے ہیں تو۔۔۔ خوش آمدید