آدمی پتھر سے بھی پیدا ہوا
نذیر قیصر
غزلیات
مطالعات: 63
پسند: 0
آدمی پتھر سے بھی پیدا ہوا
تو نے جو لکھا تھا وہ پورا ہوا
۔۔۔
کھنچ گئی حد پانیوں کےد رمیاں
ابر سے شعلہ رہا کیسا ہوا
۔۔۔
ڈھل گیا دن شام پہلی آ گئی
آسماں دیوار کا سایا ہوا
۔۔۔
جل رہا تھا آئینوں کے سامنے
دُھند میں چہرہ کوئی لپٹا ہوا
۔۔۔
آب و گِل میں مشعلیں اُگتی ہوئیں
آسمانوں میں دُھواں پھیلا ہوا
۔۔۔
میں تِرے ہونٹوں سے نکلا لفظ تھا
میں تِرے رازوں کا سناٹا ہوا
۔۔۔
صبح کے پردے میں کِس کی شکل تھی
کِس کرن سے آئینہ اندھا ہوا
واپس جائیں
