آنکھ ہر لمحہ نئی ھلوہ فشانی مانگے
نذیر قیصر
غزلیات
مطالعات: 115
پسند: 0
آنکھ ہر لمحہ نئی ھلوہ فشانی مانگے
آئینہ خانہ وہی شکلیں پُرانی مانگے
۔۔۔
کب اُفق پھیلیں گے ، کب پُھول کھلائے گی کرن
آسمانوں سے زمیں کوئی نشانی مانگے
۔۔۔
گُلِ مضمونِ دُعا، کنجِ خموشی میں کِھلے
جس طرح پیاسا کوئی خواب میں پانی مانگے
۔۔۔
چہرہ کہتا ہے کہ آئینے میں پتھرائے رہو
چشمِ آوارہ صفت نقلِ مکانی مانگے
۔۔۔
نقش وہ کھینچ جسے رنگ ملیں دُنیا سے
لفظ وہ لِکھ جو زمانے سے معافی مانگے
۔۔۔
تُو وہ یکتا کہ تیرا مثل نہ ٹھہرے کوئی
میں وہ آئینہ کہ تُجھ سے تیرا ثانی مانگے
واپس جائیں
