Farz kijiye ke aap ne apni ungliyon ko halka sa khol kar apna haath apne chehray ke samne rakh liya hai. Ab jab aap apni ungliyon ke darmiyan se dekhne ki koshish karenge, to aap ki beenai mutasir hogi aur dekhne ka amal ruk jayega. Jab tak aap ka haath aap ke chehray ke samne rahega, aap khwah dekhne ke liye kisi bhi taraf muren, aap ki nazar ka zaviya aap ki ungliyon ke baais badalta rahega. Bilkul yahi haal mere dil mein nasb but ka bhi hai. Yeh but meri zindagi par apna ek aisa hi na-guzair asar-o-rusookh qaim kar leta hai. Main jahan kahin bhi jaoon, main jo kuch bhi kar raha hoon, woh but is baat par asar andaz hoga ke main kya karta hoon aur kis tarah karta hoon. Yahi woh wajah hai jis ke baais Khuda farmata hai: “Bani Israel mein se har ek jo apne buton ko apne dil mein nasb karta hai aur apni thokar khilane wali badkirdari ko apne samne rakhta hai aur nabi ke paas aata hai, main Khudawand us ke buton ki kasrat ke mutabiq us ko jawab doonga.” (Hizqeel 14:4)