Ek aisi misaal jise main ne apne teen-age bachon ke saamne istemal kiya taake un par (aur khud apne aap par) is ird gird ki saqafat ke chhupe hue bhiyanak asar ko wazeh kar sakun, woh hawa ki misaal hai. Bilkul usi hawa ki misaal jis mein hum har waqt saans lete hain, saqafat bhi ek aisi roohani hawa hai jise hamare dil har ek lamha apne andar jazb karte rehte hain. Jismani hawa mein maujood bohat se aalooda zarraat aise bhi hote hain jo zahiri aankh se dikhai nahin dete. Bilkul yahi ahwaal hamare ird gird ke mahol ka bhi hai.