Tony aur Martha, agarche un ki shaadi ko 26 saal ho chuke thay, lekin unhon ne abhi tak hum-aahangī ke saath mil kar rehna nahin seekha tha. Jamaat ke saamne Martha ne mauqa ghanīmat jana ke Bible Muqaddas ke sabaq ka itlaq apne shauhar Tony ki zindagi par kare aur yeh itiraf kare ke us ki nazrein baar baar bhatakti rehti hain. Tony ne kuchh na kaha, lekin hum sab us ke andar gusse ki ek lehar ko uthte hue dekh sakte thay. Jazbati ghaao bohat buri cheez hoti hai. Lekin in logon ke saamne, jab aap apne hi jeevan saathi ke haathon zakhmi ho rahe hon jin ki nazar mein aap achhe banna chahte hon, to is chot ka asar kai guna barh jata hai. Yeh kehne ki zaroorat nahin ke woh shauhar kabhi jamaat mein wapas nahin aaya. Is ke baad barson tak Martha poochti rahi ke woh apne shauhar ko roohani cheezon mein dilchaspi kyun nahin dila saki.