خُدا سے رویا حاصل کرنے کے معاملے میں ہم سے اکثر یہ غلطی سرزد ہوتی ہے کہ ہم میں سے بیشتر لوگ خدا کے پاس ’’خالی ہاتھ‘‘ نہیں آتے۔ ہم اپنے ساتھ بہت سی ایسی چیزیں لاتے ہیں جو خدا کی مرضی کو دیکھنے کی ہماری صلاحیت کے آڑتے آتی ہیں۔ ہم بالکل اُس آدمی کی طرح ہو سکتے ہیں جس نے اپنی کمر پر بھاری بوجھ اٹھایا ہُوا ہومگر اُس بوجھ نے اُسے اِتنا جھکا دیا ہے کہ وہ اپنے سامنے دیکھنے کے لئے سر نہیں اُٹھا سکتا۔ وہ صرف اپنے سامنے اگلا قدم دیکھ سکتا ہے اور بہت احتیاط سے چلتا ہے تاکہ ٹھوکر کھا کر گر نہ جائے۔ صرف یہی نہیں، بلکہ وہ اِس بات کو بھی یقینی بناتا ہے کہ وہ صرف اپنے جانے پہچانے راستے پر ہی رہے تاکہ اُسے معلوم ہو کہ کدھر جانا ہے۔البتہ ، اگر وہ آدمی اپنا بوجھ اتار دے تو وہ اپنے سامنے دُور تک دیکھنے کے قابل ہو جائے گا۔ شاید وہ اُن کئی مختلف راستوں کو بھی دیکھ سکے جو اُسے وہاں لے جائیں جہاں وہ جانا چاہتا ہے۔ درحقیقت، وہ شاید یہ بھی دیکھ لے کہ وہ پورا وقت غلط راستے پر چل رہا تھا!