Khuda se roya hasil karne ke maamle mein hum se aksar yeh ghalti sarzad hoti hai ke hum mein se aksar log Khuda ke paas khaali haath nahin aate. Hum apne saath bohat si aisi cheezen le aate hain jo Khuda ki marzi ko dekhne ki hamari salahiyat ke aade aati hain. Hum bilkul us aadmi ki tarah ho sakte hain jis ne apni kamar par bhaari bojh uthaya hua ho, magar us bojh ne use itna jhuka diya ho ke woh apne saamne dekhne ke liye sar hi na utha sake. Woh sirf apne qadam ke aage agla qadam dekh paata hai aur bohat ehtiyaat se chalta hai taake thokar kha kar gir na jaaye. Sirf yahi nahin balkay woh is baat ko bhi yaqini banata hai ke woh sirf apne jaane pehchaane raaste par hi chale taake use maloom rahe ke woh kidhar ja raha hai. Lekin agar woh aadmi apna bojh utaar de to woh apne saamne door tak dekhne ke qaabil ho jaata hai. Shaayad woh un kai mukhtalif raaston ko bhi dekh sake jo use wahan le jaate hain jahan woh jaana chahta hai. Darhaqeeqat mumkin hai ke woh yeh bhi dekh le ke woh poora waqt ghalat raaste par hi chal raha tha.