دانشور و ادیب و سخنور تھا جوشوا
چرخِ ادب کا ماہِ منور تھا جوشوا
۔۔۔
پولوس کا تھا طنطنہ، پطرس کا بانکپن
موسیٰ کا اپنے عزم میں ہمسر تھا جوشوا
۔۔۔
جس کی نوا میں حق و صداقت کی گونج تھی
گھر گھر ہیں تذکرے کہ وہ رہبر تھا جوشوا
۔۔۔
تاریخِ رزم اُس کے بنا ناتمام ہے
وہ آبروئے قوم کا گوہر تھا جوشوا
۔۔۔
جنبش نہ دے سکا اُسے طوفانِ حادثات
کشتی کا اپنی قوم کی لنگر تھا جوشوا
۔۔۔
پیرِ مغاں سے خوف نہ شیخِ حرم سے ڈر
باطل کے سر پہ خوف کا خنجر تھا جوشوا
۔۔۔
تھا بے نظیر شہرِ علوم و فنون میں
بزمِ ادب میں علم کا پیکر تھا جوشوا
۔۔۔
اس کی زباں سے زمزمے پھوٹے صلیب کے
اک ولولہ تھا، شور تھا، محشر تھا جوشوا
۔۔۔
شیدا وہ بزمِ دوستاں میں شمعِ حسن کا ذکر
زنداں میں ظلمتوں کا بھی خُوگر تھا جوشوا
۔۔۔
دیکھے گا کون شیشۂ دل کی شکستگی
ساقی تھا دیدہ ور تھا دلاور تھا جوشوا
۔۔۔
روتا ہے زار زار جسے ہر شریکِ قوم
لطف و کرم کا ایسا سمندر تھا جوشوا
۔۔۔
اس کا مقام اور شہِ دار ہو بلند
حق کی سپر، یقین کا بکتر تھا جوشوا
۔۔۔
اک روز اس کے پاس شررؔ جائے گا ضرور
یارانِ انجمن کا برادر تھا جوشوا
