خُدا کے لئے سچی بھوک رکھنے کی ایک اعلیٰ مثال بنیں۔ اپنے ٹین ایج بچے کو کلامِ مقدس کے ذاتی اور خاندانی مطالعے کے کے حوالے سے ، خُدا کے کلام کی باقاعدہ تعلیم کے ماتحت رہنے کے کے حوالے سے ، اور مسیح کے بدن کے ساتھ ایک مضبوط رفاقت اور خدمت میں شامل رہنے کے کے حوالے سے اپنے پختہ عزم کو صاف دیکھنے دیں۔ اپنے آپ سے یہ سوال پوچھیں کہ ”کیا میرے دِل میں خُدا کے لئے سچی بھوک موجود ہے اور کیا میرا ٹین ایج بچہ اسے صاف دیکھ پا رہا ہے؟“ کیا آپ خود اُسی خوبی کا ایک زِندہ نمونہ ہیں جسے آپ اپنے ٹین ایج بچے کے دل میں پیدا کرنے کی جستجو رکھتے ہیں؟ میرے والد روزانہ خاندانی دُعا کے لئے ہم سب کو اکٹھا کرنے میں اِنتہائی وفادار تھے۔ وہ کوئی استاد یا عالم تو نہیں تھے، لیکن وہ ہمارے سامنے کلام کا ایک حصہ پڑھتے تھے اور پھر ہم سب مل کر دُعا کرتے تھے۔ مجھے ایک ایسا وقت بھی یاد ہے جب میرا بڑا بھائی ٹیڈؔ ایک فیکٹری میں صبح کی پہلی شفٹ میں کام کر رہا تھا۔ اسے صبح چھ سے ساڑھے چھ بجے کے درمیان وہاں لازمی پہنچنا ہوتا تھا۔ والد صاحب ہم باقی سب کو صبح پانچ بجے ہی بیدار کر دیتے تھے تاکہ ہم سب مل کر کلام پڑھ سکیں اور دُعا کر سکیں۔ اِس کے بعد خاندان کے باقی لوگ دوبارہ سونے چلے جاتے جبکہ بھائی ٹیڈؔ کام پر چلا جاتا۔ مجھے اِس بات کا تو زیادہ علم نہیں کہ ہم نے کیا پڑھا تھا، لیکن مجھے یہ اچھّی طرح یاد ہے کہ خاندانی دُعا کے کے حوالے سے اِس اٹل عزم نے مجھے کتنا متاثر کِیا تھا۔ مجھے یاد ہے کہ مَیں سوچا کرتا تھا کہ یہ عمل یقیناً اِنتہائی اہم ہوگا کیونکہ کوئی بھی دوسری چیز کلام پڑھنے اور دُعا کرنے کے ہمارے اِس خاندانی وقت کی راہ میں کبھی رکاوٹ نہیں بن سکتی تھی!