ترس کے بارے میں بائبل کے نامور معلم جے ایچ جوئٹ کہتے ہیں کہ ’’میں نہیں جانتا کہ ہماری مسیحی خدمت کیسے پھل لا سکتی ہے جب تک پہلے خادم ہی دکھ سہنے کے ترس کی روح سے بپتسمہ یافتہ نہ ہو۔ ہم ان ضروریات کو کبھی پورا نہیں کر سکتے جنہیں ہم نے کبھی محسوس ہی نہیں کیا۔ جس دل نے کبھی آنسو ہی نہیں بہائے وہ ترس کا پیامبر بھی نہیں بن سکتا ۔ اگر ہم روحوں کو بچانا چاہتے ہیں ہمیں پہلے ان کی حالتِ زار پر ماتم کرنا پڑے گا۔ اگر ہم کفارے کے خون کی منادی کرنے والے خادم بننا چاہتے ہیں تو پھر ہمیں خود بھی اپنا خون بہانا پڑے گا‘‘۔