Aik martaba England mein Khuda ka azeem khaadim Smith Wigglesworth bus ke intezaar mein gali ke kone par khara tha. Aik aurat ghar se nikli aur aik chhota sa kutta bhi us ke peechhe bhaag aaya. Us ne bari pyaar bhari chamkaarte hue us se kaha, “Tumhein wapas jana hoga.” Kuttay ne is baat par tawajjoh na di. Us ne apni dum hilai aur us ki narmi bhari baaton ki parwah kiye baghair us ke peechhe chalna shuru kar diya. Aurat ne kaha, “Tum mere saath nahin ja sakte.” Chhotay kuttay ne dobara apni dum hilai aur aik baar phir us ke peechhe chalna shuru kar diya. Isi dauran bus aa pohnchi. Aurat ne apna paon zor se maara aur chilla kar kaha, “Jao!” Kuttay ne apni dum taangon mein daba li aur bhaag gaya. Wigglesworth yeh sab dekh kar baghair soche samjhe buland aawaaz se chilla utha, “Isi tarah tumhein Iblees ke saath karna hai!”