Dua mein sunne ke liye khamoshi ikhtiyar karne ka matlab yeh hargiz nahin ke hamara Khuda ke saath rabta munqata ho gaya hai. Hum mukammal khamoshi ke aalam mein bhi Khuda ke saath apna talluq qaim rakh sakte hain. Wordsworth aur Coleridge ne ek shaam ikatthe baith kar guzari aur un ki is khoobsurat shaam ke waqiye se hum is usool ko seekh sakte hain. Hua yun ke Wordsworth, Coleridge se milne ko aaye aur dono hi azeem insaan aur dost ghar ke sehan mein khamoshi ke saath baithe rahe ke sara waqt yunhi khamoshi mein guzar gaya. Aakhir jab andhera chane laga to un mein se ek shakhs utha aur apne ghar ki raah lene se pehle doosre se haath milaya aur kaha: "Aaj ki shaam guftagu ka bara maza aaya!"