Humein ek buzurg khatoon ka waqia yaad hai jo tan-tanha rehti thi. Is ki tanhai ka waqt guzarne ke liye koi dost is ke paas nahin aata tha isliye us ne "Khuda ko apna dost bana liya". Ek din ek ajnabi shakhs wahan se guzarte huay is ke ghar mein aaya aur kuch waqt is ke saath batein kien aur us se poocha ke aap is tanhai mein apna waqt kaise guzarti hain. To is khatoon ne jawab mein kaha: "Main subah uth kar Bible parhti hoon aur tab tak parhti rehti hoon jab tak main is se sair nahin ho jati. Phir main dua karti hoon aur tab tak dua karti rehti hoon jab tak main dua se sair nahin ho jati. Phir main geeton ki kitab utha leti hoon aur tab tak geet gaati rehti hoon jab tak main sair nahin ho jati." Is buzurg khatoon ne muskurate huay is shakhs se kaha "Phir main baqi ka sara din aaram se baith kar guzar deti hoon aur Khuda ki mohabbat ke lams ko mehsoos karti rehti hoon." Is khatoon ne dua ki khidmat ka azeem bhed jaan liya tha isliye woh dua ke waqt ke baad Khuda ki mohabbat mein taro-taza rehti thi.