سنسان جدوں جگ سارا سی نہ سورج چن ستارا سی نہ بحر نہ کوئی کنارا سی نہ منظر کوئی پیارا سی ہر پاسے جدوں ہنیرا سی اوس ویلے وی یسوع میرا سی ۱
نہ کھیت سی نہ ہریالی سی
نہ باغ نہ کوئی مالی سی
جدوں زندگی خالی خالی سی
نہ دُکھ سی نہ خوشحالی سی
نہ شام سی نہ سویرا سی
اوس ویلے وی یسوع میرا سی
۲
نہ اکھیاں سن نہ منظر سن
نہ حاکم نہ سکندر سن
نہ نبی نہ پیر پیغمبر سن
نہ گرجا مسجد مندر سن
جدوں کِتے نہ رہن بسیرا سی
اوس ویلے وی یسوع میرا سی
۳
خاموشی سی آواز دے وچ
جدوں سوز نئیں سی ساز دے وچ
ہر چیز جدوں سی راز دے وچ
دم نئیں سی جدوں فرازؔ دے وچ
جدوں کجھ میرا نہ تیرا سی
اوس ویلے وی یسوع میرا سی
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.