سنسان جدوں جگ سارا سی
Sunsan jadon jag sara si
نہ سورج چن ستارا سی
Na suraj chan sitara si
نہ بحر نہ کوئی کنارا سی
Na bahr na koi kinara si
نہ منظر کوئی پیارا سی
Na manzar koi pyara si
ہر پاسے جدوں ہنیرا سی
Har pase jadon hanera si
اوس ویلے وی یسوع میرا سی
Os wele vi Yesu mera si
1
نہ کھیت سی نہ ہریالی سی
Na khet si na haryali si
نہ باغ نہ کوئی مالی سی
Na bagh na koi mali si
جدوں زندگی خالی خالی سی
Jadon zindagi khali khali si
نہ دُکھ سی نہ خوشحالی سی
Na dukh si na khush-hali si
نہ شام سی نہ سویرا سی
Na shaam si na sawera si
اوس ویلے وی یسوع میرا سی
Os wele vi Yesu mera si
2
نہ اکھیاں سن نہ منظر سن
Na akhiyan san na manzar san
نہ حاکم نہ سکندر سن
Na hakim na Sikandar san
نہ نبی نہ پیر پیغمبر سن
Na nabi na peer paighambar san
نہ گرجا مسجد مندر سن
Na girja masjid mandir san
جدوں کِتے نہ رہن بسیرا سی
Jadon kite na rehan basera si
اوس ویلے وی یسوع میرا سی
Os wele vi Yesu mera si
3
خاموشی سی آواز دے وچ
Khamoshi si awaz de wich
جدوں سوز نئیں سی ساز دے وچ
Jadon soz nai si saaz de wich
ہر چیز جدوں سی راز دے وچ
Har cheez jadon si raaz de wich
دم نئیں سی جدوں فرازؔ دے وچ
Dam nai si jadon Faraz de wich
جدوں کجھ میرا نہ تیرا سی
Jadon kujh mera na tera si
اوس ویلے وی یسوع میرا سی
Os wele vi Yesu mera si