ہن تے میں یہوواہ اگے دیواں گا دہائی مینوں آپیں رحم کر کے بخشے گا رہائی 1
شام صبح دوپہراں ویلے میں فریاد گزاراں
سنے گا رب رونا میرا نالے سب پکاراں
2
اوہناں دے جنگ وچوں رب نے میری جان بچائی
اوہناں شمار سی بوہتا کردے جو لڑائی
3
دشمناں دے طعنے سن کے رب جواب سناوے
مڈھ قدیموں بیٹھا ہے او تخت نیاں دے اتے
4
اوہ نہ ڈر دے ہین خدا تھوں نہ ویکھی تبدیلی
اپنے سجناں متراں دے نال اوہناں نے ضد کیتی
5
قول قرار بتھیرے کیتے پر نہ پوری پائی
مکھن نالوں منہ ہے کولا دل وچ بھری لڑائی
6
تیل تھوں ودھ کے نرم ملائم اوہدے منہ دیاں باتاں
پر ننگی تلوار دے وانگر تیز نے اوہدیاں گھاتاں
7
اپنا بھار یہوواہ تے سُٹ آپیں اوہ سنبھالے
سچے نوں ہمیشہ تیکر کدی ناں تلکن دیوے
8
پر سبھناں بدکاراں نوں توں یارب میرے سائیں!
موت دے ڈوہنگے ٹوئے دے وچ آپیں مار مکائیں
9
دغا باز تے خونی کدی ادھی عمر نہ پاوے
پر ہے میری آس ہمیشہ یارب تیرے اتے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
