ہن تے میں یہوواہ اگے دیواں گا دہائی
Han te main Yehovah agay diwan ga dehai
مینوں آپیں رحم کر کے بخشے گا رہائی
Mainu aapen reham kar ke bakshe ga rehai
1
شام صبح دوپہراں ویلے میں فریاد گزاراں
Shaam subah dopehran wele main faryad guzaran
سنے گا رب رونا میرا نالے سب پکاراں
Sunega Rab rona mera nale sab pukaran
2
اوہناں دے جنگ وچوں رب نے میری جان بچائی
Ohnan de jang wichon Rab ne meri jaan bachai
اوہناں شمار سی بوہتا کردے جو لڑائی
Ohnan shumaar si bohta karde jo larai
3
دشمناں دے طعنے سن کے رب جواب سناوے
Dushmanan de taane sun ke Rab jawab sanave
مڈھ قدیموں بیٹھا ہے او تخت نیاں دے اتے
Mud qadeemon baitha hai oh takht niyan de utte
4
اوہ نہ ڈر دے ہین خدا تھوں نہ ویکھی تبدیلی
Oh na dar de hin Khuda thon na wekhi tabdeeli
اپنے سجناں متراں دے نال اوہناں نے ضد کیتی
Apne sujnan mitran de nal ohnan ne zid keeti
5
قول قرار بتھیرے کیتے پر نہ پوری پائی
Qaul qarar batheere kitte par na poori pai
مکھن نالوں منہ ہے کولا دل وچ بھری لڑائی
Makhan nalon munh hai kola dil wich bhari larai
6
تیل تھوں ودھ کے نرم ملائم اوہدے منہ دیاں باتاں
Tel thon wadh ke narm mulaim ohde munh diyan batan
پر ننگی تلوار دے وانگر تیز نے اوہدیاں گھاتاں
Par nangi talwar de wangar tez ne ohdiyan ghatan
7
اپنا بھار یہوواہ تے سُٹ آپیں اوہ سنبھالے
Apna bhar Yehovah te sut aapen oh sanbhale
سچے نوں ہمیشہ تیکر کدی ناں تلکن دیوے
Sachay nu hamesha tekar kadi naan tilkan deve
8
پر سبھناں بدکاراں نوں توں یارب میرے سائیں!
Par sabhnan badkaran nu tu Ya Rab mere saeen!
موت دے ڈوہنگے ٹوئے دے وچ آپیں مار مکائیں
Maut de dhuhnge toye de wich aapen maar makain
9
دغا باز تے خونی کدی ادھی عمر نہ پاوے
Dagha baaz te khooni kadi adhi umr na pave
پر ہے میری آس ہمیشہ یارب تیرے اتے
Par hai meri aas hamesha Ya Rab tere utte