زبور 38: غصے نال نہ جھڑکیں مینوں اے خدا

غصے نال نہ جھڑکیں مینوں اے خدا
جوش وِچ اپنے قہر دے دئیں نہ سزا
1
مینوں تیرا تیر ہُن لگا کاری ہے
میرے تے ہتھ تیرا ڈاہڈا بھاری ہے
2
تیرے غصے نال ہے تن میرا بیمار
ہڈیاں بے آرام ہین میں ہاں گنہگار
3
میرے سر تھوں لنگھے میرے سب گناہ
ایڈے بھارے ہوئے چکے جاندے ناہ
4
میرے زخم ہوئے بدبودار کمال
سڑے بالکل میرے بے عقلی دے نال
5
کُبا ہو میں جھک گیا روندا صبح شام
پِٹھ ہے سڑدی رہندی تن وچ نہ آرام
6
میں بے تاب ہوگیا پیٹھا جاندا ہاں
دل ہے روندا رہندا میں چلاندا ہاں
7
یا رب میرا شوق ہے تیرے ہی حضور
میرا آہیں مارنا تیتھوں نہیں دُور