غصے نال نہ جھڑکیں مینوں اے خدا
Gussay naal na jharrkan mainu ae Khuda
جوش وِچ اپنے قہر دے دئیں نہ سزا
Josh vich apne qahr de dein na saza
1
مینوں تیرا تیر ہُن لگا کاری ہے
Mainu tera teer hun laga kaari hai
میرے تے ہتھ تیرا ڈاہڈا بھاری ہے
Mere te hath tera dahda bhari hai
2
تیرے غصے نال ہے تن میرا بیمار
Tere gussay naal hai tan mera beemar
ہڈیاں بے آرام ہین میں ہاں گنہگار
Haddiyan be aaraam hain main han gunahgaar
3
میرے سر تھوں لنگھے میرے سب گناہ
Mere sir thon langhay mere sab gunah
ایڈے بھارے ہوئے چکے جاندے ناہ
Aiday bharay hoye chukkay jandey nah
4
میرے زخم ہوئے بدبودار کمال
Mere zakhm hoye badboodar kamal
سڑے بالکل میرے بے عقلی دے نال
Sarray bilkul mere be aqli de naal
5
کُبا ہو میں جھک گیا روندا صبح شام
Kuba ho main jhuk gaya roonda subah shaam
پِٹھ ہے سڑدی رہندی تن وچ نہ آرام
Pith hai sarddi rehndi tan vich na aaraam
6
میں بے تاب ہوگیا پیٹھا جاندا ہاں
Main baytaab ho gaya peetha janda han
دل ہے روندا رہندا میں چلاندا ہاں
Dil hai roonda rehnda main chlannda han
7
یا رب میرا شوق ہے تیرے ہی حضور
Ya Rab mera shauq hai tere hi huzoor
میرا آہیں مارنا تیتھوں نہیں دُور
Mera ahen marna tethon nahin door