زبور 25: یہوواہ دے وَل رکھدا ہاں مَیں اپنی اَکھ سدا

یہوواہ دے وَل رکھدا ہاں مَیں اپنی اَکھ سدا
جال وِچوں میرے پَیراں نُوں اوہ آپ چُھڈاوے گا
۱
تُوں میرے اُتے رحمت کر ، کر میرے وَل دھیان
دُکھاں دے وِچ ہُن پئی ئے اکلی میری جان
۲
مُصیِبت غم دِل میرے دے ودھ گئے اَے خُدا
مُصیِبت تھوں تے تنگی تھوں جان میری نُوں بچا
۳
خُدایا نظر کریں تُوں ایس دُکھ مُصیِبت تے
تُوں میرے سب گُناہاں دی مُعافی مینوں دے
۴
یا رَبا میرے وَیری ویکھ کہ اوہ بتھیرے ہین
وَیر رکھدے ڈاہڈا میرے نال تے ویر کماندے ہین
۵
رکھوالی کر خلاصی دے ، جان میری ہے لاچار
آس میری تیرےاُتے ہے نہ مینوں ہون دے خوار
۶
سچیائی تے صفائی وی ہون میرے نگہبان
کہ تینوں ہُن اَڈیکدی ہے خُدایا میری جان
۷
یا رَبّا اسرائیل نُوں تُوں سب دُکھاں تھوں چھُڈا
نجات دے اپنے فضل نال تُوں اوس نُوں آپ بچا