یہوواہ دے وَل رکھدا ہاں مَیں اپنی اَکھ سدا
Yahowah de wal rakhda haan main apni akh sada
جال وِچوں میرے پَیراں نُوں اوہ آپ چُھڈاوے گا
Jaal vichon mere pairan nu oh aap chhaddaway ga.
1.
تُوں میرے اُتے رحمت کر ، کر میرے وَل دھیان
Tuun mere utte rehmat kar, kar mere wal dhiyan,
دُکھاں دے وِچ ہُن پئی ئے اکلی میری جان
Dukhān de vich hun paiye akli meri jaan.
2.
مُصیِبت غم دِل میرے دے ودھ گئے اَے خُدا
Musiibat gham dil mere de vadh gaye ae Khuda,
مُصیِبت تھوں تے تنگی تھوں جان میری نُوں بچا
Musiibat thon te tangi thon jaan meri nu bachaa.
3.
خُدایا نظر کریں تُوں ایس دُکھ مُصیِبت تے
Khudaya nazar karein tuun es dukh musiibat te,
تُوں میرے سب گُناہاں دی مُعافی مینوں دے
Tuun mere sab gunahan di muafi mainu de.
4.
یا رَبا میرے وَیری ویکھ کہ اوہ بتھیرے ہین
Ya Raba mere vairi veekh ke oh bathere hain,
وَیر رکھدے ڈاہڈا میرے نال تے ویر کماندے ہین
Vair rakhde daada mere naal te vair kamande hain.
5.
رکھوالی کر خلاصی دے ، جان میری ہے لاچار
Rakhwaali kar khalaasi de, jaan meri hai lachar,
آس میری تیرےاُتے ہے نہ مینوں ہون دے خوار
Aas meri tere utte hai na mainu hon de khwaar.
6.
سچیائی تے صفائی وی ہون میرے نگہبان
Sachai te safai vi hon mere nigahban,
کہ تینوں ہُن اَڈیکدی ہے خُدایا میری جان
Ke tainu hun adikdi hai Khudaya meri jaan.
7.
یا رَبّا اسرائیل نُوں تُوں سب دُکھاں تھوں چھُڈا
Ya Raba Israel nu tuun sab dukhān thon chhaddaa,
نجات دے اپنے فضل نال تُوں اوس نُوں آپ بچا
Najat de apne fazal naal tuun os nu aap bachaa.