یسوع ناں دا چرچا گلی گلی اوہدے ناں تھوں مشکل ساری سر تھوں رہندی ٹلی ٹلی ۱
اپنی قدرت دے نال چلے ، طوفاناں نوں ٹھلے
اپنی من مرضی دا مالک جد پانی تے چلے
اوہدے پیراں ہیٹھاں پانی
رکھدے اپنی تلی تلی
۲
میرے وہیڑے دے وچ ویکھو خوشبو اوہدی آوے
میرا دل وی ہر ویلے ہن گیت یسوع دے گاوے
میری دل دے باغ دی ویکھو
کھِل گئی جے کلی کلی
۳
پوری کیتی اوہنے از ل دے خواباں دی تعبیر
اوہدے پاک کفارے ساڈی بدل دتی تقدیر
مشکل ساری یسوع ناں وچ
ساڈے سر تھوں ٹلی ٹلی
۴
میرے پاک یسوع دیاں شاناں اسماناں تھوں اُچیاں
اوہدیاں مٹھیاں مٹھیاں گلاں سونے نالوں سُچیاں
اوہدے ناں دی لاٹ سدا تیک
رہنی جگ تے بلی بلی
۵
آپے مر کے طالباؔ آپے قبروں اُٹھ کھلونا
ایہو جیہا عجوبہ جگ تے نہ ہویا نہ ہونا
اوہدے اگے جھکدے سارے
نبی نبی تے ولی ولی
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
