یادیں جب ستائیں یسوع کو یاد کرنا

یادیں جب ستائیں یسوع کو یاد کرنا
خواہشیں جب رلائیں یسوع کو یاد کرنا
1
سولی اٹھانا اپنی یسوع کے پیچھے چلنا
روحِ خدا سے کہنا مجھ کو سنبھال رکھنا
جب پیر لڑکھڑائیں یسوع کو یاد کرنا
2
ہر اک زخم کو اپنے یسوع کے خون سے دھونا
خاموش بیٹھ جانا پرستش خدا کی کرنا
جب سانس گھٹ کے آئیں یسوع کو یاد کرنا
3
ساتھی بھی وہ خدا بھی اور ہے وہ سچا بھائی
وہ ساتھ ہے ہمیشہ جس نے ہے جاں لٹائی
جب اپنے دل دکھائیں یسوع کو یاد کرنا