وچ گُناہ دے رُہڑ دی جاندی ایہ سی دُنیا ساری
عدن دے وچوں نکلے سن لے کے بوجھ بھاری
چُک لیا اے یسوع آ کے بوجھ گناہ دا سارا
بولو ناصری دی جے جے
بولو ناصری دی جے جے
۱
باپ نُوں یسوع آکھن لگا دُنیا اے رُہڑ دی جاندی
بھیج تُوں مینوں پاک خداوند دیر اے ہُن کاہدی
بِنا میرے نئیوں مُکنی بدکاری
بولو ناصری دی جے جے
۲
پُتر یا دُنیا سی یارو ربّ کول دو سی گلاں
مٹ جانی اے دُنیا ساری جے نہ ایہنوں گھلاں
دے کے پُتر دُنیا بدلے دُنیا بچائی
بولو ناصری دی جے جے
۳
مارن اوہنوں مِل کے طعنے نالے کر دے ٹھٹھے
ونڈن اوہدا چوغہ ظالم ہو کے سارے کٹھے
سہہ کے دُکھ یسوع نے کیتی وفاداری
بولو ناصری دی جے جے
۴
چاہڑ کے سُولی اوہنوں خوش شیطان سی ہویا
ہار گیا اے ربّ میرے تھوں بیج سی ایسا بویا
زندہ ہو کے یسوع نے مُکائی اے مکاری
بولو ناصری دی جے جے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
