اُچھلا جائے ہے دِل میرے سینے میں کیوں نہ گائے یہ تیری ثنا

اُچھلا جائے ہے دل میرے سینے میں
کیوں نہ گائے یہ تیری ثنا
تُو نے دی ہے مجھے نئی زندگی
اپنی بانہوں میں دی ہے پناہ
(۱)
میری ہر خطا کے لئے
میری ہر جفا کے لئے
تو نے کھائی ہے مار چڑھا سولی پہ
میرا بخشا ہے اک اک گناہ
(۲)
کیوں نہ ناچوں میں تیرے لئے
کیوں نہ گاؤں میں تیری ثنا
تو نے بخشی مجھے ایسی خوشی
دے سکتا نہیں جو جہاں
(۳)
کتنے سونے تھے دن وہ میرے
بن تیرے ہیں جو بیت گئے
تو نے بخشی مجھے اک نئی زمیں
اور دیا اک نیا آسماں
(۴)
اب یہی ہے میری آرزو
دیکھ پاؤں تجھے روبرو
تیرے قدموں میں خود کو بکھیر دوں
اور کروں تیری حمد و ثنا