تیرے در پہ آتے ہیں روحِ خدا

تیرے در پہ آتے ہیں روحِ خدا
تیرا پیار چاہتے ہیں روحِ خدا
۱
سمسون کو تو طاقت ہے دیتا
ایلیاہ کو روٹی کوؤں سے دیتا
آستر کو حکمت اپنی ہے دیتا
تیرا فضل چاہتے ہیں روحِ خدا
۲
داؤد کی تو پرستش میں شامل
ستفنس کی زندہ شہادت میں شامل
لہو سے خریدوں کی آہوں میں شامل
تیرا ساتھ چاہتے ہیں روحِ خدا
۳
مریم کنواری پہ نازل ہوا تُو
مسیحا کی رگ رگ میں ہر دم رہا تُو
رسولوں کی سانسوں میں تیری ہی خوشبو
تیرا رنگ چاہتے ہیں روحِ خدا
۴
خدا اور خداوند کو تُو ہی دکھائے
یسوع ہی ہے رستہ یہ ہر دم بتائے
ہر ایک دل کے مقدس میں تو رہنا چاہے
تیرا پیار چاہتے ہیں روحِ خدا
۵
کلیسیا کو اپنا تُو جوش عطا کر
جوش عطا کر تو ہوش عطا کر
وہ شعلوں سی پھٹتی زبانیں عطا کر
تیری آگ چاہتے ہیں روحِ خدا