شکلِ انساں میں خُدا تھا

شکلِ انساں میں خُدا تھا
مُجھے معلوم نہ تھا
مُشکِ نافہ میں چھپا تھا
مُجھے معلوم نہ تھا
۱
ذاتِ انسان و یہواہ تھی
باہم اُس میں
وہ عجب مردِ خُدا تھا
مُجھے معلوم نہ تھا
۲
غیر معبودوں کی تقلید
مَیں کرتا تھا مُدام
جامِ وحدت میں مزہ تھا
مُجھے معلوم نہ تھا
۳
ہم گنہگاروں کی خاطر
ہُوا وہ خُود قرباں
وہ کیا فضلِ خُدا تھا
مُجھے معلوم نہ تھا
۴
سر پہ یسوع کے بصد
جَور و سِتم ظالم نے
تاج کانٹوں کا رکھا تھا
مُجھے معلوم نہ تھا
۵
ساتھ بدکاروں کے مصلوب
ہُوا ابنِ خُدا
پِت و سرکہ بھی مِلا تھا
مُجھے معلوم نہ تھا
۶
نویں گھنٹے کے قریب اُس نے
غمِ عصیاں سے
ایلی ایلی تو کہا تھا
مُجھے معلوم نہ تھا
۷
پردہ ہیکل کا ہُوا چاک
غمِ یسوع سے
رنگِ خورشید اُڑا تھا
مُجھے معلوم نہ تھا