سب کجھ تیرا ربا سب کجھ تیرا اے

سب کجھ تیرا ربا ، سب کجھ تیرا اے
تیری ہو تعریف خدایا، نام مبارک تیرا اے
۱
اپنی نال خدایا اُونٹھ بخشے تین ہزار
بھیڈاں دا سی اِجڑ ربا گنتی دے وچ ست ہزار
اُونٹھ مال بھیڈاں وچوں اِک وی نہ میرا اے
۲
پنج سو جوڑی ڈھگے کھرلی اُتے شور مچاندے سن
پنج سو گدھے وارو واری اپنے راگ سناندے سن
اپنے مال خزانے وچوں دھیلا وی نہ میرا اے
۳
تُوں ہیں ربا کارساز کارسازی تیری اے
مینوں دھیاں پُتر دِتے کرم نوازی تیری اے
توئیں دیندا توئیں لیندا ناں مبارک تیرا اے
۴
ایوب نبی نے ایدوں ودھ کے ہور مصیبت آئی اے
تن بدن تے پھوڑے نکلے دیندا ایہہ گواہی اے
اے خدا حقیقت وچ بدن وی نہ میرا اے
۵
فانی دُنیا چار دیہاڑے جوگی والی پھیری اے
جو کجھ اکھاں اگے دِسے انت خاک دی ٹہیری اے
اُچے محل اُساریں جگ تے چڑیاں وانگ بسیرا اے
۶
سکندر ورگے شہنشاہ خزانے جمع کر گئے نیں
خالی ہتھیں دُنیا تھوں اوہ سفر اخیری کر گئے نیں
نہ کر بندے میری میری نہ کر میر ا میرا اے