سب کجھ تیرا ربا ، سب کجھ تیرا اے
Sab kujh tera Raba, sab kujh tera ae
تیری ہو تعریف خدایا، نام مبارک تیرا اے
Teri ho tareef Khudaya, naam mubarak tera ae.
1
اپنی نال خدایا اُونٹھ بخشے تین ہزار
Apni naal Khudaya, oonth bakhshay teen hazaar
بھیڈاں دا سی اِجڑ ربا گنتی دے وچ ست ہزار
Bhedan da si ijhar Raba, ginti de vich sat hazaar.
اُونٹھ مال بھیڈاں وچوں اِک وی نہ میرا اے
Oonth maal bhedan vichon ik vi na mera ae.
2
پنج سو جوڑی ڈھگے کھرلی اُتے شور مچاندے سن
Panj so jodi dhagge kharli ute shor machande san
پنج سو گدھے وارو واری اپنے راگ سناندے سن
Panj so gadhe varo waari, apne raag sunaande san.
اپنے مال خزانے وچوں دھیلا وی نہ میرا اے
Apne maal khazane vichon dheela vi na mera ae.
3
تُوں ہیں ربا کارساز کارسازی تیری اے
Tu hai Raba kaarsaz, kaarsazi teri ae
مینوں دھیاں پُتر دِتے کرم نوازی تیری اے
Mainu dhiyan putar ditte, karam nawazi teri ae.
توئیں دیندا توئیں لیندا ناں مبارک تیرا اے
Tuin dinda, tuin leinda, naa mubarak tera ae.
4
ایوب نبی نے ایدوں ودھ کے ہور مصیبت آئی اے
Ayub Nabi ne idon vadh ke hor museebat aayi ae
تن بدن تے پھوڑے نکلے دیندا ایہہ گواہی اے
Tan badan te phore nikle, dinda eh gawai ae.
اے خدا حقیقت وچ بدن وی نہ میرا اے
Ae Khuda haqeeqat vich, badan vi na mera ae.
5
فانی دُنیا چار دیہاڑے جوگی والی پھیری اے
Fani duniya char dehaade, jogi wali pheri ae
جو کجھ اکھاں اگے دِسے انت خاک دی ٹہیری اے
Jo kujh akhaan age dikhse, ant khaak di teheri ae.
اُچے محل اُساریں جگ تے چڑیاں وانگ بسیرا اے
Uche mahal usarein, jag te chadiyan wanga basera ae.
6
سکندر ورگے شہنشاہ خزانے جمع کر گئے نیں
Sikandar wargay shehzada, khazane jama kar gaye ne
خالی ہتھیں دُنیا تھوں اوہ سفر اخیری کر گئے نیں
Khaali hathan duniya thon, oh safar akhiri kar gaye ne.
نہ کر بندے میری میری نہ کر میر ا میرا اے
Na kar bande meri meri, na kar mera mera ae.