قیامت ہون والی ہے مسیحا پھیر آون گے
فرشتے نال اپنے بہت سارے اوہ لیاون گے
۱
غریبی حال وچ دُنیا تے پہلاں اوہ تاں آیا سی
الہٰی شان ہُن اوہ آن کے اپنی وکھاون گے
۲
فرشتے اپنا نرسنگا وجاون گے جدوں آ کے
زمینوں سارے مُردے اُٹھ کے اوس دے کول جاون گے
۳
عدالت اوسدے ہتھ ہے نیاں اوہو کرے یارو
نئیں منیاں جنہاں اوہنوں سو نرکیں سڑنا پاون گے
۴
اوہ ڈھائیں مار روون گے تے للکن گے پئے وندیاں
کوئی اوتھے سُنے گا نہ پئے اوہ جان کھپاون گے
۵
مسیح خُدا دا بیٹا ہے قیامت دا اوہ مالک ہے
فرشتے اوس دے اگے گُناہیں پھڑ لیاون گے
۶
مناون گے خُوشی ڈاہڈی جو اوہدے خُون خریدے ہین
مسیح دے جہیڑے مُنکر ہین پئے ہنجو وہاون گے
۷
مسیح دے لوک جاون گےبہشتاں وچ اُٹھ اُٹھ کے
مسیح اوہناں نُوں اپنے کول اوس ویلے بٹھاون گے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
