قیامت ہون والی ہے مسیحا پھیر آون گے
Qayamat hon waali hai Masihaa phir aawon ge
فرشتے نال اپنے بہت سارے اوہ لیاون گے
Farishte naal apne bohot saare oh liawon ge
۱
1
غریبی حال وچ دُنیا تے پہلاں اوہ تاں آیا سی
Ghareebi haal vich duniya te pehlan oh taan aaya si
الہٰی شان ہُن اوہ آن کے اپنی وکھاون گے
Ilahi shaan hun oh aake apni wikhawon ge
۲
2
فرشتے اپنا نرسنگا وجاون گے جدوں آ کے
Farishte apna nursinga vajawon ge jadon aake
زمینوں سارے مُردے اُٹھ کے اوس دے کول جاون گے
Zameenon saare murde uth ke os de kol jaawon ge
۳
3
عدالت اوسدے ہتھ ہے نیاں اوہو کرے یارو
Adalat osde hath hai niyaan oh kare yaaro
نئیں منیاں جنہاں اوہنوں سو نرکیں سڑنا پاون گے
Nahin maniyaan jenhan ohnu so narkain sarna paawon ge
۴
4
اوہ ڈھائیں مار روون گے تے للکن گے پئے وندیاں
Oh dhain maar roon ge te lalkan ge paye wandiyaan
کوئی اوتھے سُنے گا نہ پئے اوہ جان کھپاون گے
Koi othe sune ga nah paye oh jaan khapawon ge
۵
5
مسیح خُدا دا بیٹا ہے قیامت دا اوہ مالک ہے
Masih Khuda da beta hai qayamat da oh maalik hai
فرشتے اوس دے اگے گُناہیں پھڑ لیاون گے
Farishte os de agge gunahain phad liawon ge
۶
6
مناون گے خُوشی ڈاہڈی جو اوہدے خُون خریدے ہین
Manaawon ge khushi dhaadi jo ohde khoon kharide hain
مسیح دے جہیڑے مُنکر ہین پئے ہنجو وہاون گے
Masih de jehre munkar hain paye hanjo wahawon ge
۷
7
مسیح دے لوک جاون گےبہشتاں وچ اُٹھ اُٹھ کے
Masih de lok jaawon ge behishtaan vich uth uth ke
مسیح اوہناں نُوں اپنے کول اوس ویلے بٹھاون گے
Masih ohna nu apne kol os vele bithawon ge