(دوہڑا)
اج تیک اے سنن وچ نئیں آیا
کسے ملک دا نہ رواج ہووے
کہ جوڑا قرمزی شاہ دے گل ہووے
سر تے کنڈیاں دا پایا تاج ہووے
ماراں پیا مخلوق تھوں کھاندا اے
بے کس مجبور محتاج ہووے
لاڑا طالباؔ ایہو جیہا نئیں ڈٹھا
جنہوں ملیا صلیب دا داج ہووے
۔۔۔
(استھائی)
او لگا جاندا جے محبتاں دا ماریا
ظلماں دی ہار ہو گئی پیار نئیں جے ہاریا
(۱)
جہدے اگے نوری کدی اکھ نئیں سی چُکدے
اج اوہدے منہ دے اتے خاکی پئے نیں تھُکدے
صدقے میں جاواں تیرے پیار نالوں پیاریا
(۲)
جند پے گئی پیاریاں دے سکھاں دے لئی سکھنی
جگ دے گناہواں دی صلیب پے گئی چُکنی
جنہیں کدی پھُلاں دا وی بھار نہ سہاریا
(۳)
کلاں نال ٹنگے نوں سہارا کیوں نئیں لبھدا
مار دے نیں طعنے کہندے جے توں بیٹا رب دا
کیوں نہ تینوں سولی اُتوں رب نے اتاریا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
