نُوری چہرہ یسوع مسیح دا زخماں نال بے نُور ہویا
پیار تیرے وچ سُولی یسوع چُکن تے مجبور ہویا
۱
ایسی جُھلی غم دی ہنیری سمجھ نہ کوئی آئی اے
ماں دا لاڈلا پَل وچ دیکھو ماں دے کولوں دُور ہویا
۲
مخمل ورگے پِنڈے اُتے کاہنوں کوڑے مار دے او
دس تے جاؤ لعل تھوں میرے آخر کیہ قصور ہویا
۳
عرش دی رانی کھول کے زُلفاں ویکھو گَل وچ پائیاں نیں
لعل دے غم وچ ماں دا کلیجہ ٹُٹ کے چُور و چُور ہویا
۴
شام سویرے جیہڑا میری چاہت دا دم بھر دا سی
تیہہ روپے لئی سجن اوہ میرا پل وچ ہور و ہور ہویا
۵
کٹھیاں جین مرن دے وعدے جیہڑا کردا ہُندا سی
تِن واری انکار اوہ میرا کرن تے کیوں مجبور ہویا
۷
پیار دے غم اوہ سارے ویکھ لے ہس ہس کے سہی جاندا اے
موت پیالہ پین تھوں یسوع بالکل نئیں دلگیر ہویا
۷
پیار تیرے وچ ویکھ لےآسیؔ مَیں ایہہ کھٹ کمایا اے
تیرے گناہ دی خاطرمیتھوں باپ وی میرا دُور ہویا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
