مبارک مبارک مسیح جی اُٹھا ہے

مبارک مبارک مسیح جی اُٹھا ہے
سلامت سلامت وہ نُورِ خُدا ہے
۱
مُجسم ہوا تھا جو اقنومِ ثانی
نہیں باپ سے اب وہ اِک دم جُدا ہے
۲
تھا مُفلس اکیلا جو دارِ فنا میں
وہ وارث شہنشاہ مُلکِ بقا ہے
۳
تھا مظلوم صورت جو ظالم کے آگے
وہی آج مُختار دارِ فنا ہے
۴
ہُوا جو رواں خُون پہلو سے اُس کے
تیرے دردِ دِل کی وہی تو دوا ہے
۵
حلیمؔ اب نہ کر تُو ذرا فکرِ محشر
کہ بخشش کا اُس کی تُجھے آسرا ہے