میرا یسوع زندہ ہو گیا

صدقے اوہدے تھوں میں قربان
سب نالوں وکھری اوہدی شان
موت تے قبر تے فتح پائی
سنیا کدی نہ جو ہو گیا
یسوع زندہ
میرا یسوع زندہ ہو گیا
۱
قدماں چ اوہدے سر نوں جھکاواں
کدی نہ اوہدا پیار بُھلاواں
اوہنوں اپنے دل چ وساواں
مُکھڑا اوہدا تکدا ای جاواں
میرے زخم بچان لئی خود
چھلنی چھلنی ہو گیا
یسوع زندہ
میرا یسوع زندہ ہو گیا
۲
میرے یسوع دا پیار نرالا
پیتا اوہنے موت دا پیالہ
بھار گناہواں والا چکیا
کھاہدا اپنی پسلی چ بھالا
ابدی حیاتی دیون والا
چشمہ جاری ہو گیا
یسوع زندہ
میرا یسوع زندہ ہو گیا
۳
کلوری دا غمناک نظارہ
رہندہ اکھیاں دے سامنے سارا
اوتھے میرے سوہنے یسوع
میرا دتا کفارہ
مینوں زندگی دین لئی خود
سولی تے او مو گیا
یسوع زندہ
میرا یسوع زندہ ہو گیا
۴
لاش اوہدی نوں قبر چ پایا
ظالماں اوتھے پہرہ بٹھایا
پر تجے دن صبح سویرے
یسوع نے جی اٹھ کے وکھایا
غم دے ہنیرے چھڈ گئے سارے
چانن ہر سو ہو گیا
یسوع زندہ
میرا یسوع زندہ ہو گیا