مسیح میں میں نے پایا ہے اک موتی بیش بہا

مسیح میں میں نے پایا ہے اک موتی بیش بہا
وہ لاکھوں میں پیارا ہے اُس جیسا اور کہاں
1
یہوداہ کا وہ ببر ہے خدا کا برہ پاک
دنیا میں میرا رہبر ہے جب راہ ہو خطرناک
2
نرگس وہی شارون کا ہے اور وادی کا سوسن
یسو ہی نور دنیا کا ہے اُسی سے دل روشن
3
صلیب اٹھا کر کلوری گیا میرے لیے
لہو بہایا جان دے دی خریدے تاکہ مجھے
4
لیکن اب پھر وہ زندہ اور زندہ رہے گا
گور کے بندھن کو توڑا ہے موت تیرا ڈنگ کہاں
5
اے یسوع! اپنا پیار عجیب مجھے اور بھی سمجھا
جوں تیری آمد ہو قریب تیاری کر عطا
6
ہالیلویاہ میں گاؤں گا جب جاؤں گا آسمان
تب تجھ ہی کو میں دیکھوں گا خوش رہوں گا ہر آن