معافی دا کلمہ میں جے سنیا صلیب تھوں

معافی دا کلمہ میں جے سنیا صلیب تھوں
کلمے دا مرہم ملیا یسوع طبیب تھوں
حد ویکھو اوہدے پیار دی
(۱)
ڈاکو دونویں سجے کھبے ، یسوع دوہنواں دے سی گبھے
طعنیاں تے ٹھٹھیاں سی وہنیاں
اک ڈاکو توبہ کیتی ، گل ویکھو وا وا کیتی
یسوع نوں خدا سی اوس منیا
خواہش نجات دی کیتی یسوع حبیب تھوں
(۲)
سولاں تھوں وی تکھیاں سی، لوکاں دیاں گلاں باتاں
خالق خدا نوں نہ سہانیاں
خلقت دی جرأت ویکھو، سامنے کھلو کے اوہدے
عزت اوہدی نوں سی اچھالیا
غصے دا بول نہ کڈھیاں شافی نے جیبھ تھوں
(۳)
مکتی دے کم نوں دیکھو سولی تے پورا کیتا
موت اتے فتح یسوع پائی اے
مردیاں چوں زندہ ہویا ، قبر ہے خالی اوہدی
فرشتیاں وی دتی اے گواہی اے
سب لئی چھٹکارا بنیا لعنت عجیب تھوں