کجھ منگ لے ہو کجھ منگ لے کجھ منگ لے شافی توں کجھ منگ لے تینوں سَد دا اے سولی والا ۱
بت پرستی بےدینی دا چھڈ دے تُوں دستماں
اج ہے ویلا کر لے تُوں کجھ بنیا ایں کیوں نکماں
رات ہے تیری بیتی جاندی تُوں کیوں پے رہیا ایں لماں
۲
جد گرجے دی گھنٹی وجے کن آواز نہ پاویں
اجے وی تینوں سمجھ نہ آوے رب نوں پیا ستاویں
منجی اُتے لماں پے کے حقہ پیا بھڑکاویں
۳
سلیمانؔ نے رب تھوں منگی عقل تے دانائی
عقل خُدا نے بخشی اوہنوں ہیکل اوس بنائی
اوہدے وانگوں تُوں وی منگ لے بنیا ایں کیوں شیدائی
۴
زکیؔ سی اک قد دا چھوٹا جد یسوع ول آیا
چڑھ گیا اوہ رُکھ دے اُتے درشن اوہدا پایا
اج نجات تیرے گھر آئی شافی نے فرمایا
۵
ندی کنارے بیٹھا ایں بندیا بھر نہ سکیوں بُک
آساں تیریاں لگیاں رہنا ندی نے جانا سُک
ایسے طرح مورکھ تیری زندگی جانی مُک
۶
اک جاگن اک جاگ نہ جانن اک جاگن اک سُتے
اک جاگن رب یاد کریندے اک پیندے نے حقے
غفلت والی چادر بندیا تُوں کیوں لے لئی اُتے
۷
روز میدان قیامت والے پچھے گا گنہگارا
راستباز جنت وچ جاؤن تُوں سڑناں بدکار
اُتوں اُتوں پڑھیں نمازاں ہونا نئیں چھٹکارا
۸
غافل بندیا غفلت دے وچ تُوں کیوں عمر گنوائی
لوکاں نوں تُوں احمق آکھیں آپے بنیں شیدائی
نہ تُوں یسوع دوارے آیا نہ تُوں برکت پائی
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
