کجھ منگ لے ہو کجھ منگ لے
Kujh mang le ho kujh mang le
کجھ منگ لے شافی توں کجھ منگ لے
Kujh mang le Shafi toon kujh mang le
تینوں سَد دا اے سولی والا
Tainu sadd da ae soli wala
1
بت پرستی بےدینی دا چھڈ دے تُوں دستماں
But parasti bedini da chhad de toon dastmaan
اج ہے ویلا کر لے تُوں کجھ بنیا ایں کیوں نکماں
Aj hai vela kar le toon kujh baneya ain kyon nikmaan
رات ہے تیری بیتی جاندی تُوں کیوں پے رہیا ایں لماں
Raat hai teri beeti jandi toon kyon pe rehiya ain lamman
2
جد گرجے دی گھنٹی وجے کن آواز نہ پاویں
Jad girjay di ghanti vajay kan awaaz na paaven
اجے وی تینوں سمجھ نہ آوے رب نوں پیا ستاویں
Aje vi tainu samajh na aave Rab nu piya staven
منجی اُتے لماں پے کے حقہ پیا بھڑکاویں
Manji ute lamman pe ke huqqa piya bhadkaven
3
سلیمانؔ نے رب تھوں منگی عقل تے دانائی
Suleman ne Rab thon mangi aql te danai
عقل خُدا نے بخشی اوہنوں ہیکل اوس بنائی
Aql Khuda ne bakhshi ohnu haikal os banai
اوہدے وانگوں تُوں وی منگ لے بنیا ایں کیوں شیدائی
Ohde wangoon toon vi mang le baneya ain kyon shedai
4
زکیؔ سی اک قد دا چھوٹا جد یسوع ول آیا
Zaki si ik qadd da chhota jad Yesu wal aaya
چڑھ گیا اوہ رُکھ دے اُتے درشن اوہدا پایا
Charh gaya oh rukh de ute darshan ohda paaya
اج نجات تیرے گھر آئی شافی نے فرمایا
Aj najat tere ghar aayi Shafi ne farmaaya
5
ندی کنارے بیٹھا ایں بندیا بھر نہ سکیوں بُک
Naddi kinare baitha ain bandya bhar na sakiun buk
آساں تیریاں لگیاں رہنا ندی نے جانا سُک
Asaan teriyan lagiyan rehna naddi ne jana sukh
ایسے طرح مورکھ تیری زندگی جانی مُک
Aisay tarah morkh teri zindagi jani muk
6
اک جاگن اک جاگ نہ جانن اک جاگن اک سُتے
Ik jagan ik jag na janan ik jagan ik sute
اک جاگن رب یاد کریندے اک پیندے نے حقے
Ik jagan Rab yaad karenday ik peenday ne huqqay
غفلت والی چادر بندیا تُوں کیوں لے لئی اُتے
Ghafilat wali chadar bandya toon kyon le layi ute
7
روز میدان قیامت والے پچھے گا گنہگارا
Roz maidan qiyamat walay puchhay ga gunahgaara
راستباز جنت وچ جاؤن تُوں سڑناں بدکار
Raastbaaz jannat vich jaan toon sarnaan badkaar
اُتوں اُتوں پڑھیں نمازاں ہونا نئیں چھٹکارا
Uton uton parhain namazan hona nein chhutkaara
8
غافل بندیا غفلت دے وچ تُوں کیوں عمر گنوائی
Ghafal bandya ghaflat de vich toon kyon umr gnwai
لوکاں نوں تُوں احمق آکھیں آپے بنیں شیدائی
Lokaan nu toon ahmaq aakhain aapay banay shedai
نہ تُوں یسوع دوارے آیا نہ تُوں برکت پائی
Na toon Yesu duaaray aaya na toon barkat pai