خود خالق بن انسان آ گیا چرنی لا لئے ڈیرے

خود خالق بن انسان آ گیا، چرنی لا لئے ڈیرے
دُکھاں دیاں راتاں مک چلیاں، خوشیاں دے چڑھے سویرے
۱
بیت لحم داؤد گھرانے چوں ، اوہنے چُنیا اک کنواری نوں
بن باپ دے پیدا ہویا جے ، دھن اوہدی کار گزاری نوں
انسان تے رب دے جمن دے ، انج کیتے آپ نکھیڑے
۲
اوہنے رکھیا اے یسوع ناں اپنا، جدا مطلب رب بچان والا
پاپاں دیاں دکھ بیماریاں توں، قبراں دے وچوں اُٹھان والا
اے تے کم اوہدے لئی کجھ وی نہیں ، اوتے کم کردا اے کم ودھیرے
۳
چوپان مجوسی چن تارے ، یسوع دے در نوں لبھدے نیں
بن ٹولیاں پاک فرشتے وی ، مریم دے گھر ول پجدے نیں
بیت لحم وچ سرائے دے، ساری خلقت لاندی اے پھیرے
۴
کیہ ناز کہواں اوہدی شان دے وچ، ساری قدرت یسوع نام دے وچ
تُوں بندیا اوہنوں لبھنا ایں کیہہ، او تے وسدا اے ہر انسان دے وچ
او تے ہر بوہا کھڑکاندا اے ، او تے پھر دا اے وہیڑے وہیڑے