خود خالق بن انسان آ گیا، چرنی لا لئے ڈیرے
Khud Khaliq ban insaan aa gaya, charni la laye deere
دُکھاں دیاں راتاں مک چلیاں، خوشیاں دے چڑھے سویرے
Dukhaan diyaan raataan muk chaliyaan, khushiyaan de chadhe soire
1
بیت لحم داؤد گھرانے چوں ، اوہنے چُنیا اک کنواری نوں
Beet Lahm Dawood gharane chon, ohne chuniya ek kanwari nu
بن باپ دے پیدا ہویا جے ، دھن اوہدی کار گزاری نوں
Ban baap de paida hoya je, dhan ohdi kaar guzari nu
انسان تے رب دے جمن دے ، انج کیتے آپ نکھیڑے
Insaan te Rab de jamman de, inj kitte aap nikhede
2
اوہنے رکھیا اے یسوع ناں اپنا، جدا مطلب رب بچان والا
Ohne rakhiya ae Yesu naam apna, jidda matlab Rab bachan wala
پاپاں دیاں دکھ بیماریاں توں، قبراں دے وچوں اُٹھان والا
Papaan diyaan dukh bimariyaan ton, qabraan de vicho utthan wala
اے تے کم اوہدے لئی کجھ وی نہیں ، اوتے کم کردا اے کم ودھیرے
Ae te kam ohde lai kujh vi nahi, ute kam karda ae kam vadhdeere
3
چوپان مجوسی چن تارے ، یسوع دے در نوں لبھدے نیں
Chopaan Majusi chan taare, Yesu de dar nu labhde ne
بن ٹولیاں پاک فرشتے وی ، مریم دے گھر ول پجدے نیں
Bin tooliyan paak farishte vi, Mariam de ghar wal pajde ne
بیت لحم وچ سرائے دے، ساری خلقت لاندی اے پھیرے
Beit Lahm vich saraaye de, saari khalkat laandi ae phire
4
کیہ ناز کہواں اوہدی شان دے وچ، ساری قدرت یسوع نام دے وچ
Keh naza kawan ohdi shaan de vich, saari qudrat Yesu naam de vich
تُوں بندیا اوہنوں لبھنا ایں کیہہ، او تے وسدا اے ہر انسان دے وچ
Toon bandiya ohnon labhna ae kiha, o te vasda ae har insaan de vich
او تے ہر بوہا کھڑکاندا اے ، او تے پھر دا اے وہیڑے وہیڑے
O te har booha khadkanda ae, o te phir da ae vehede vehede