کرنے ہاں تیری ثنا و حمد ربّ العالمیں

کرنے ہاں تیری ثنا و حمد ربّ العالمیں
جان دے ہاں تُوں ہیں واحد دوسرا کوئی نئیں
۱
ہے عبادت کُل جہان کردا تیری مالک خُدا
تُوں ہیں ابدی باپ ساڈا تُوں ہیں خالقِ کبریا
۲
کُل فرشتے نام لیندے ہیں تیرا اے خُدا
ہور جو آسمان دے وچ رہن والے ہین سدا
۳
ہر گھڑی ہر دم سدا لیندے نیں تیرا نام ربّ
کُل کروبیم و سرافیم و ملائک سب دے سب
۴
آکھدے قدوس تے قدوس تے قدوس سب
تُوں خداوند خُدا ہیں لشکراں دا تُوں ہیں ربّ
۵
کُل زمین تے آسمان بھرپور ہین مالک خُدا
واہ تیری شان کڈی خالق ارض و سما
۶
ہے رسُولاں دی جماعت جو بزرگی وچ بڑی
تیرے نام پاک دی وڈیائی کر دی ہر گھڑی
۷
کُل پیغمبر جو شرافت وچ ہینگے بے ریا
تیرے نامِ پاک دی وڈیائی کر دے اے خُدا
۸
فوج نورانی شہیداں دی ہے گاؤندی برملا
تیری تعریف و ستائش لشکراں دا تُوں خُدا
۹
کُل جہان دی پاک منڈلی اے خُداوند کریم
کر دی ہے اقرار تیرا ہر گھڑی ہر دم رحیم
۱۰
باپ تُوں ہیں دبدبہ تیرا بڑا تے شان وی
نال اکلوتا حقیقی ابنِ ہے رحمان وی
۱۱
نال ہے روح القدس وی نام جس دا پاک ہے
پاک ہے مددگار وی اور انسان خاک ہے