کرنے ہاں تیری ثنا و حمد ربّ العالمیں
Karnay haan teri sana wa hamd Rabb-ul-Alameen
جان دے ہاں تُوں ہیں واحد دوسرا کوئی نئیں
Jaan de haan toon hain wahid doosra koi nahin
1
ہے عبادت کُل جہان کردا تیری مالک خُدا
Hai ibadat kul jahan karda teri Maalik Khuda
تُوں ہیں ابدی باپ ساڈا تُوں ہیں خالقِ کبریا
Toon hain abdi Baap saada, toon hain Khaliq-e-Kibriya
2
کُل فرشتے نام لیندے ہیں تیرا اے خُدا
Kul farishte naam leinde hain tera ae Khuda
ہور جو آسمان دے وچ رہن والے ہین سدا
Hor jo aasman de vich rehn wale hain sada
3
ہر گھڑی ہر دم سدا لیندے نیں تیرا نام ربّ
Har ghari har dam sada leinde ne tera naam Rabb
کُل کروبیم و سرافیم و ملائک سب دے سب
Kul kerubim o sarafim o malaaik sab de sab
4
آکھدے قدوس تے قدوس تے قدوس سب
Akhde Quddus te Quddus te Quddus sab
تُوں خداوند خُدا ہیں لشکراں دا تُوں ہیں ربّ
Toon Khudawand Khuda hain lashkaran da, toon hain Rabb
5
کُل زمین تے آسمان بھرپور ہین مالک خُدا
Kul zameen te aasman bharpoor hain Maalik Khuda
واہ تیری شان کڈی خالق ارض و سما
Wah teri shaan kadi Khaliq-e-Arz o Sama
6
ہے رسُولاں دی جماعت جو بزرگی وچ بڑی
Hai rusoolaan di jamaat jo buzurgi vich badi
تیرے نام پاک دی وڈیائی کر دی ہر گھڑی
Tere naam paak di wadaai kar di har ghari
7
کُل پیغمبر جو شرافت وچ ہینگے بے ریا
Kul paighambar jo sharaafat vich hingay be riya
تیرے نامِ پاک دی وڈیائی کر دے اے خُدا
Tere naam-e-paak di wadaai kar de ae Khuda
8
فوج نورانی شہیداں دی ہے گاؤندی برملا
Fauj noorani shaheedaan di hai gaaundi baramla
تیری تعریف و ستائش لشکراں دا تُوں خُدا
Teri tareef o sataish lashkaran da toon Khuda
9
کُل جہان دی پاک منڈلی اے خُداوند کریم
Kul jahan di paak mandli ae Khudawand Karim
کر دی ہے اقرار تیرا ہر گھڑی ہر دم رحیم
Kar di hai iqraar tera har ghari har dam Raheem
10
باپ تُوں ہیں دبدبہ تیرا بڑا تے شان وی
Baap toon hain dabdaba tera bada te shaan vi
نال اکلوتا حقیقی ابنِ ہے رحمان وی
Naal aklota Haqeeqi ibn-e-Rahman vi
11
نال ہے روح القدس وی نام جس دا پاک ہے
Naal hai Rooh-ul-Qudus vi naam jis da paak hai
پاک ہے مددگار وی اور انسان خاک ہے
Paak hai madadgar vi aur insaan khaak hai