جے توں چاویں سدا دی زندگانی توں یسوع دی صلیب تھلے آ

جے توں چاویں سدا دی زندگانی ، تو ں یسوع دی صلیب تھلے آ
اوتھوں جاری اے زندگی دا پانی ، توں یسوع دی صلیب تھلے آ
۱
۔ ابدی حیات نالے ابدی نجات وی ، ہور کتھوں لبھنی نئیں ایسی گل بات وی
چھڈ دنیا دے کم شیطانی ، توں یسوع دی صلیب تھلے آ
۲
۔ ساری بیماریاں دا حل یسوع کول اے ، مشکلاں تیریاں دا حل یسوع کول اے
مک جاوے تیری ہر پریشانی ، توں یسوع دی صلیب تھلے آ
۳
۔ زندگی دا پتہ نئیوں کدوں مک جاوے ، ہر دن زندگی چوں گھٹ دا ہی جاوے
جانا چاہویں جے تو شہر اسمانی ، توں یسوع دی صلیب تھلے آ
۴
۔ کئی ویکھ اکھاں میٹ وقت گنواندے نیں
رب دے کلام دے او نیڑے نئیوں آندے نیں
ایسے لوکاں نیں سزا بڑی پانی ، توں یسوع دی صلیب تھلے آ