جو چمن آباد تھا وہ آج ویراں ہو گیا

جو چمن آباد تھا وہ آج ویراں ہو گیا
ظالموں کے اب حوالے ابنِ انساں ہو گیا
۱
ہنس رہے تھے اس پہ ظالم وہ مگر خاموش تھا
اِس قدر مجبور کیسے پسرِ یزداں ہو گیا
۲
دوش پر بارِ گناہ انکار کا لے کر چلا
دیکھ کر دل کیوں نہیں میرا پریشاں ہو گیا
۳
کیوں ہمیں کچھ نہ کہے معصوم کا بہتا لہو
اس لہو کا قطرہ قطرہ داغ عصیاں ہو گیا
۴
آج دل پوچھے ذرا اُس غمزدہ ماں سے کوئی
جس کا پیارا لاخطا سولی پہ قرباں ہو گیا