جند یسوع نُوں صلیب اُتے ٹنگنی پئی
خاطر پیار دے
اوہدے خُون وچ جند ساہنوں رنگنی پئی
خاطر پیار دے
۱
ساہنوں ڈاکوؤں تے چوراں نیں سی مار سُٹیا
ساڈا تن من زخمی سی کر سُٹیا
ساڈے زخماں تے پٹی اوہنوں بنھنی پئی
خاطر پیار دے
۲
یسوع باہج نئیں سی ساڈا کوئی دردی
جس نے آن کے بچائی ساڈی جان مر دی
ندی دُکھاں والی تدوں اوہنوں لنگھنی پئی
خاطر پیار دے
۳
مُل اوہدیاں دُکھاں دا اساں نئیں پایا اے
اجے تک وی صلیب اُتوں نئیں لاہیا اے
چڑھ کے سُولی اُتے معافی اوہنوں منگنی پئی
خاطر پیار دے
۴
بنے اَسی ساں سپاہی کیتی کجھ نہ کمائی
دِلوں خُودی نہ گوائی ودھ گئی بُریائی
اوہدے نام دی زنجیر ساہنوں بنھنی پئی
خاطر پیار دے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
