اک بدلاں دا اُڈن کھٹولا ہووے گا

(دوہڑا)
دنیا دیاں سب بیماریاں چوں
پاپاں دی بیماری وکھری اے
اے سارے جہان دیاں عورتاں چوں
ماں مریم کنواری وکھری اے
اے سارے جہان دے پرندیاں چوں
بازاں دا اُڈاری وکھری اے
پر ایہناں اونٹھاں گھوڑیاں ہاتھیاں چوں
بدلاں دی سواری وکھری اے
یسوع بدلاں تے آوے گا
تے اپنے او بندیاں نوں
لے کے عرشاں تے جاوے گا
...
(استھائی)
اک بدلاں دا اُڈن کھٹولا ہووے گا
وچ بیٹھا میراعرشاں دا ڈھولا ہووے گا
۱
جہیڑی ووہٹی سج دھج کے تیار ہووے گی
اوہو ای گھوڑی تے سوار ہو وے گی
اوہدے متھے دے سہاگ دا پٹولا ہووے گا
۲
جدوں زندگی تے موت دا او والی آوے گا
بادشاہواں دا اوہ بادشاہ جلالی آوے گا
اوہدے پچھے نوریاں دا ٹولا ہووے گا
۳
اوتھے چج تے کچج دا انصاف ہووے گا
بیٹھا تخت اُتے یسوع راجا آپ ہووے گا
اوتھے کسے دا وکیل نہ وچولا ہووے گا
۴
فیر سدا دے لئی روندے بدکار رہن گے
اوہو ای طالباؔ یسوع دے سجے ہتھ بھین گے
جنہاں نیکیاں دا بھریا بھڑولا ہووے گا
۵
نہ کوئی اوتھے سس نہ ننان ہووے گی
سارے گھر وچ ووہٹی پردھان ہووے گی
کسے گل دا نہ فیر اوتھے اولا ہووے گا